Ég á afmæli í dag!

vei, vei!

Fékk pakka frá manninum mínum, svakalega flott föt úr janusbúðinni, er alveg í skýjunum! Ætla að baka súkkulaðiköku á eftir og fæ lambalæri í kvöldmatinn!

Ógó gaman að eiga afmæli :)

knús og kremjur Harpa

Rjómabúið Ránargötu, góðan dag!

Guttormur litli hefur þyngst um tæpt 1/2 kg síðan á þriðjudaginn í síðustu viku. Þá var hann 3670 gr og hafði náð fæðingarþyngdinni (3620) og bætt á sig 50 gr. Núna er hann orðinn 4120 gr! Þetta var skjalfest af hjúkkunni í ungbarnaeftirlitinu sem mætti hérna árla í morgun.

Litli kútur skrapp síðan með pabba sínum í sturtu í gærkvöldi, og fannst það ekki leiðinlegt!

víví

Í síðustu viku sendi ég inn voða sæta mynd af mér og litlanum í slingnum. Núna á mánudaginn síðasta kom síðan Hotslingurinn minn, geggjaður brúnn og úr fleece! Sem gerir það að verkum að við getum skroppið örstutt út á meðan við bíðum eftir vagninum. Skruppum í Kolaportið og gáfum öndunum brauð, það vildi svo vel til að það var gott veður núna um helgina. En ég var annars ein heima með 2 stráka og það gekk alveg ógurlega vel. Hefði alveg viljað hafa vagninn og getað leyft Darranum að fara aðeins lengra í göngutúr, eyða aðeins af orkutönkunum, annars fer slatti af orkunni bara í óþekkt ;)

Er að loada inn myndum svo verði ykkur að góðu að kíkja á þær. ég á náttúrulega svo fallega syni að það er ótrúlegt...



Svona miðað við fegurð móður sinnar... hahahaha!




Hérna getið svo skoðað fleiri myndir af þessum fallegu ungu mönnum, nokkrar af foreldrunum og svo nokkrar sem sá eldri fallegi tók af innanstokksmununum okkar. Er með massíva hreingerningaráráttu... það veitti reyndar ekki af :þ

Farin að þrífa knús, Harpa

ohhhh svo sybbin :þ

Já, það tekur á að gefa brjóst á nóttunni, sérstaklega þegar það er einn að verða 5 ára líka uppí rúmi ;)

Ætlaði bara að láta að vita að allt gengur súper vel, litli maðurinn dafnar eins og blóm í engi, búinn að ná fæðingarþyngdinni og er bara algjört ljós. Sefur og drekkur og kíkir einstaka sinnum í kringum sig. Hann er samt mjög ákveðinn og vill brjóstið sitt (algjörlega hans, hann heldur utan um það með báðum höndum á meðan hann drekkur) NÚNA og alls ekki seinna þegar hann er svangur, er mjög aðgangsharður við pabba sinn ef hann er með hann og reynir hiklaust að sjúga upphandleggi eða treyjuhálsmál :þ

Stóri bróðir heldur áfram að vera montnastur af honum, finnst hann sko sætastur og vill endalaust knúsa litla stýrið. Hann er voða lítið afbrýðisamur, er svona aðeins að sjá hvar mörkin liggja eftir stækkunina, hvort að mamma hafi tíma til að hjálpa honum að klæða sig osfrv. Bara sætastur ;) Hann vill reyndar að litli bróðir sinn fái að heita Óli Lokbrá... Foreldrunum líst ekkert á þá hugmynd :)

Við erum u.þ.b. að verða ásátt um nafn sem sé og það kemur væntanlega í ljós fljótlega, ekki viljum við að Óla Lokbráar nafnið festist við hann!!!

kveð að sinni, set fljótlega inn fleiri myndir.
Harpa

Sérstaklega fyrir AJ makkafötluðu :)

ó, ljúfa líf

Bara að minna á hvað ég á ofboðslega fallega syni :) Þessi hefur það ofboðslega gott eins og sést, drekkur og sefur og drekkur og sefur.



Þessi er ógurlega montinn stóri bróðir. Hann fór með mynd af litla bróður sínum á leikskólan og er bara að springa af hamingju yfir titlinum ;) Honum finnst litli bróðir ÆÐI, pínu brothættur en æði :þ

Öllum heilsast voða vel, pabbinn svífur um á bleiku skýi, mamman að umbreytast í pamellu anderson. Sá litli er bara yndi, og gjörsamlega búin að heilla alla uppúr skónum :)

Lífið er ljúft og gott :)

p.s. nýtt albúm neðst á myndasíðunni, nýjar myndir af fjölskyldunni :)

Yndislegt, yndislegt, yndislegt!!!!!

Nenni eiginlega ekki að skrifa alla fæðingarsöguna strax. Hér kemur ör-sagan. Við höfðum sem sé skipulagt heimafæðingu, vorum bara ekkert að auglýsa það neitt :) Mér líður eins og geti sigrað heimin með litla putta eftir þessa upplifun.

Vaknaði á sunnudagsmorgninum 1. apríl, Biggi að fara í vinnuna, klukkan var ca 9.30. Fann fyrir samdráttum, sem var nú frekar óvenjulegt á morgnanna. Fann líka að krílið var búið að snúa sér, rassinn snéri ekki lengur til vinstri, heldur til hægri! Darri kom uppí til mín að kúra og við kúrðum aðeins fram yfir 10. fórum svo og fengum okkur að borða og rifumst síðan um hvort hann ætti að fara sjálfur í fötin eða hvort ég ætti að hjálpa honum. Amma Brynhild kom síðan í heimsókn rétt rúmlega 11 og var til 13. Milli 12 og 13 fór ég að fá fyrstu verkina. Taldi þá að sjálfsögðu vera plat, Kristbjörg ljósan mín fór til útlanda á laugardaginn og kemur ekki heim fyrr en á þriðjudagskvöld. Ég var nú með back-up ljósu hana Áslaugu, sem er reyndasta heimafæðingarljósan og sú sem hefur mest barist fyrir vatnsfæðingum, vatni til verkjastillingar.

Um 14.30 ca hringdi ég í Bigga og sagði honum að fæðingin væri komin af stað. Allt í rólegheitunum samt og hann ætti nú að fá einhvern til að leysa sig af. Biggi kom svo heim um 16.00 og skutlaðist þá beint með Darra til pabba síns. Þá hafði ég loksins næði til að hringja í Áslaugu, vildi ekki hafa 4 og 1/2 árs illa stemmdan son minn að rífast um kertanotkun ofaní mér í því símtali. Áslaug sagðist ætla að skutlast heim til sín og ná í dótið og kíkja á mig. Hún kom um 17.00. Allt í góðu og útvíkkun 3, fullþynntur legháls. Ég hafði aldrei hitt Áslaugu áður og því settumst við og spjölluðum í smá stund. Biggi var að láta renna í laugina, og allt var voða kósí, kertaljós og lavenderilmur í loftinu.

Ég fór síðan fljótlega í baðið og hríðarnar urðu sterkari. Áslaug, sem hafði hugsað sér að skreppa í ca klst, hætti við það. Ég náði samt alltaf nokkrum andartökum í afslöppun á milli, en hríðarnar voru bæði langar og harðar. Hún hlustaði reglulega eftir hjartslætti barnsins og aldrei sló það svo mikið sem feilspor, var eins taktfastur og klukka, og harðnandi hríðarnar höfðu engin áhrif á það.

Um ca. 18.30 gafst ég upp á baðinu, rauk uppúr því með Áslaugu og Bigga hálffurðulostin, hlaupandi á efti rmér inná bað. Þar lagðist ég í froskastellingu á gólfið. Yndislegt! Fann hvernig þrýstingurinn á grindina léttist, legið drógst aðeins upp og hríðarnar urðu sterkar, hnitmiðaðari og ekki eins sárar, því nú beitt ég þyngdaraflinu öfugt og dró kollinn aðeins uppúr grindinni. Skömmu seinna fann ég hvernig útvíkkunninni lauk, kollurinn í belgnum var að koma, ég snerti kollinn og sprengdi belgin, vatnið fór. Það kom örstutt breik og ég hélt að sóttinn væri dottinn niður, mig vantaði hríð til að rembast með.. Hún kom, eins og kölluð og í 2 örstuttum rembingum fæddist barnið. Kollurinn í þeim fyrri og síðan rest. Ég tók sjálf á móti og dró síðan krílið alveg brjálað (á orginu sko) upp á bringuna og kúrði hjá manninum mínum á gólfinu. Við athuguðum ekki kynið fyrr en eftir þó nokkra stund, við vorum agndofa yfir orginu! Skömmu seinna kom fylgjan, pabbinn klippti strenginn eftir að hann hætti að púlsa og við færðum okkur yfir í hjónarúmið.

Þar færist ró yfir unga manninn sem mátti loks vera að því að taka brjóstið og slaka á. Stóri bróðir kom í heimsókn og breytti snarlega ölum plönum, hann vildi sko vera heima hjá sér núna. Skiljanlega. Hann vaknaði t.d. í sæluvímu í morgun og lá í 2 klst uppí rúmi hjá okkur að dásama þennan fallega litlasta bróðir sinn. Svo skrapp hann aðeins á leikskólan, mig grunar að hann hafi aðallega viljað monta sig.

Allir hafa það elegant fínt, drengurinn er greinilega ákveðinn og duglegur, sýgur af krafti og lætu í sér heyra ef hann vanhagar um eitthvað. Hrútur með genin frá mömmu sinni sem sé :)

Njótið vel!

Loksins

Koma fréttirnar :) Lítill og sætur 3620 gr (14.5 merkur) og 51 cm höfuðmál 35 cm, fæddur kl 18.40, á baðherbergisgólfinu heima hjá sér. Fleiri myndir á myndasíðunni.






Kveðja besta fjölskyldan í öllum heiminum... (öllum líður stórvel)

Haha!

Mér líður eins og ég sé dreginn mikið í efa... En ég er komin með verki og óska eftir öflugum hríðarstraumum. Týpískt að krakkinn ætli að mæta á þessum degi.., allir draga mig í efa :þ hahaha!

Þið heyrið sennilega í mér reglulega í dag. Núna er þetta voða afslappað, Biggi er ennþá í vinnunni, er að redda sér afleysingu (ég held hann sé pínu stressaður um að ég sé bara að plata), og við Darri sitjum hérna og horfum á Klaufabárðana ;) Ca 10 mínútur á milli og voða huggulegt bara. Eins og það á að vera.

knús Harpa og bráðum ekki bumbubarn, nema ÞAÐ sé bara að plata!

Upp er runninn settur dagur....

....ógurlega hreinn og fagur.

Ekkert að gerast í bili en það getur nú alveg breyst. Læt heyra í mér aftur seinna í dag.