† Afi minn †

Hann afi minn kvaddi þennan heim snemma í kvöld. Hann var 91 árs. Ég er ofboðslega meyr. Hans tími var kominn en það er erfitt að sjá á eftir svona yndislegu fólki þótt við höfum notið nærveru þeirra, gæsku, umhyggju, ástúðar og fjölskylduástar, ótrúlega lengi. Afi minn var fyrirmynd í alla staði, ótrúlega hress og brosandi alltaf, alltaf til staðar og studdi við bakið á sínu fólki. Ég man ekki eftir því að hafa séð hann skipta skapi, þó bjó ég í næsta húsi við hann mín fyrstu 20 ár (og það eitt að búa við hliðina á okkur systrum var alveg til að hvetja til skapskiptinga).

Við hittum áðan í gamla húsinu, húsinu sem afi byggði sjálfur, húsið hafði elst um mörg ár á þessum 3 tímum sem það hafði ekki haft ábúanda. Sál íbúans hefur greinilega áhrif á húsið. Skyndilega fundum við systurnar á göngu um efri hæðina aftur "ömmulykt". Tengdist meira minningunum sem flæddu en einhverju yfirnáttúrulegu.

Ég sakna hans ótrúlega mikið.

Mega mont

Ég er alveg stoltasta mamman í heiminum þessa daganna. Fyrst eru hér 2 myndir af litla gorminum mínum að borða banana, maður er ótrúlega klár þótt maður sé smár!


Þessum svip náði ég svo af honum, svakalega ánægðum við að borða brokkolý í kvöldmatnum í kvöld! Óborganlegur svipur hreinlega!


Og þetta afrekaði síðan stóri strákurinn minn fyrr í kvöld. Ógurlega duglegur, spurði mig bara hvaða stafur kæmi næst og skrifaði þá síðan bara án forskriftar og alles!


ENdilega kommentið nú á þessa duglegu drengi mína, ég ætla að springa úr monti á meðan ég bíð eftir þeim!

kv monthænsnið

Að ná áttum

Er að ná áttum í augnablikinu, vorum að taka baðherbergið í gegn. Ótrúlegur munur að vera laus við þvottavélina, þurrkaran og allt baðherbergisdótið úr stofunni! Ennþá er svefnherbergið undirlagt af dóti, aðallega hreinu taui samt og smá baðherbergisdót ennþá þar.

Baðherbergið mitt er yndislegt núna. Með BAÐKARI fyrir það fyrsta, svo er það svo plein og fínt eitthvað, manni verður ekki bumbult við að horfa á samspil gömlu dúkana og flísanna! Kem með fyrir og eftir myndir þegar ég verð búin með final tötsið, á ennþá eftir að hreinsa ofninn almennilega og gera hann fínan. Svona smotterýs hlutir eftir sem sé.

Fór síðan áðan út að borða á Lækjarbrekku með pabba, Elínu og Einari. Fengum ógurlega góðan mat, þríréttað lamb, meira lamb og súkkulaði. Geggjað alveg hreint. Er óeðlilega södd núna. Tilefnið er að Brynhildur systir hefði orðið 28 ára í dag. Í nóvember verða 10 ár frá því að hún dó. Tíminn líður ótrúlega hratt!

Annars hafa gaurarnir mínir það ógurlega gott. Darrinn stækkar og þroskast hratt. Hann er mjög sáttur með nýja baðkarið okkar. Lá í baði í tæpa klukkustund fyrr í kvöld. Alexander er með 2 stórar og vel nýtanlegar tennur, hann er farinn að fá að borða með okkur og finnst það ekki leiðinlegt. Sérstaklega finnst honum gott að fá eplabát að naga, kaldan! Hann stækkar hratt og er svakalega duglegur. Hann er ekki farinn að skríða ennþá en honum finnst lang skemmtilegast að fá að standa! Það styttist í að hann fari af stað, hann fer auðveldlega upp á 4 fætur og fer um á hálfgerðu flugskriði. Fer upp á fjóra og skutlar sér síðan áfram, aftur og aftur. 'ogurlegt stuð!

Nóg blogg í bili, Harpa